Како да се храниме здраво во бременоста

За непречен развој на вашето малечко потребни му се хранливи состојки кои единствено може да ги земе од вашиот организам. Неправилната исхрана, односно исхрана сиромашна со витамини, протеини и минерали ќе придонесат за нарушено здравје на мајката, замор и изнемоштеност.  Како правилно да се храните за време на бременоста, кои намирници треба да бидат дел од вашето мени а кои треба да ги избегнувате и уште многу други стручни совети беа презентирани на едукативното предавање за идните родители во Клиничката болница „Аџибадем Систина“.

Д-р Александра Хаџи – Димова истакна дека здравите навики за исхрана се еден од клучните чекори за здрава бременост и здрава иднина. Д-р Хаџи Димова ги охрабри идните мајки за интересот да научат како да се хранат здраво и истакна дека го прават вистинскиот избор за нивното малечко.

Следното едукативно предавање за идните родители е во среда (18.11) на тема: Промени во бременост за кои е потребен лекарски преглед. Предавач ќе биде д-р Ана Кацарска, гинеколог – акушер. Ве покануваме заедно да се дружиме и едуцираме. Во прилог е и целосната програма на едукативните предавања.