Përveç ndihmës së vështirësive të zakonshme në shtatzëni, ushtrimet ndihmojnë edhe në reduktimin e shfaqjes së mundshme të shumë sëmundjeve dhe kushteve të rrezikshme gjatë shtatzënisë. Hulumtimet tregojnë se aktiviteti fizik gjatë shtatzënisë zvogëlon rrezikun e diabetit të shtatzënisë, si dhe në shfaqjen e preeklampsisë. Ushtrimet ndihmojnë në uljen e stresit gjatë shtatzënisë, gjithashtu, gjatë kohës së ushtrimeve lirohet edhe hormoni i kënaqësisë i njohur si endorfin.  Ushtrimet ju relaksojnë dhe ju mundësojnë një gjumë të mirë për të cilin keni nevojë jo vetëm ju, por dhe bebja juaj. Mënyrat më të rekomanduara për aktivitetet fizike gjatë shtatzënisë janë: ecja, joga, noti dhe shtrirja apo tërheqja e muskujve.